Live-shopping á Facebook
Tú kemur at læra virði í Live upplivingum á Facebook og hvussu tú kanst brúka hetta fyri at røkja sambandi við tínar fylgjarar.
Sel meira við Facebook Live
Kom við á skeið, har tú lærir um Facebook Live og hvussu tað kann hjálpa tær at branda tína fyritøku. Tú kemur at læra virði í LIVE upplivingum á Facebook og hvussu tú kanst brúka hetta fyri at fáa samband við tín málbólk.
Undirvísingin fer fram á enskum, og tað er Manuel James Delgado sum undirvísir!
Facebook favoriserar video. Facebook favoriserar LIVE video enn meira – so við at stroyma beinleiðis, kanst tú fáa eina ótrúliga góða útbreiðslu. Men hvussu geri eg? Hvussu komi eg í gongd? Hvat skal eg siga? Hvar skal eg filma tað? Hvat við útgerð? Hesar spurningar koma vit at tosa nærri um.
Vit tosa ikki bara um, hvussu tú skalt standa frammanfyri myndatólinum (men eisini tað!). Vit koma eisini inn á, hvussu tú kanst stroyma frá tiltøkum, samrøður við fólk ella brúka Facebook Watch Parties og Premiere fyri at geva fólki eina kenslu av, at tey eru saman um eina beinleiðis uppliving.
Aftaná hetta stutta skeiðið, pakkað við góðum ráðum, kemur tú at kenna teg tryggari við at royna live-stroyming á Facebook.
Manuel James Delgado
Manuel James Delgado er ein Digital Media ráðgevi við stórum áhuga at hjálpa øllum sløgum av feløgum og stovnum við talgildum miðlum. Manuel hevur vitanina og royndirnar at loysa avbjóðingarnar innan talgilda marknaðarførslu hjá fyritøkum og stovnum.
Manuel er serfrøðingur í nethandlum og Social Media Marketing. Alt frá at byggja nethandlar til at gera kundar varugar við nethandilin og fáa netsøluna at vaksa. Eisini hevur hann hegnið at skriva og sniðgeva lýsingar. Manuel hevur eitt gott eyga fyri at skapa lýsingatilfar, ið endurspeglar tína fyritøku, stovn ella visjón.
Manuel kann ikki bara hjálpa tær við talgildu miðlunum, men hann kann eisini geva tær neyðugu amboðini, soleðis at tú kanst arbeiða við hesum á einum hægri støði.
Manuel tosar enskt, men skilur føroyskt.