Hvønn er hetta skeiðið vælegnað til?
Skeiðið er til tín, ið tekur tær av sosialu miðlunum hjá eini fyritøku, stovni ella felagsskapi. Nógv ørkymlast av støðugu broytingunum hjá Meta – og at tað gerst støðugt torførari at finna runt í Facebook jungluni við alsamt fleiri amboðum at fáast við.
Meta Business Suite er pallurin, har allar funkurnar verða samlaðar – og er enn í støðugari menning. Fyrimunurin er at tú nú hevur eitt stað, har tú kanst stýra Facebook og Instagram. So um tú ynskir at duga betur at finna runt í ymsu amboðunum og kenna ymsu møguleikarnar á Facebook og Instagram, so er hetta til tín.
Eitt gott amboð at stýra Facebook og Instagram síðum
Meta Business Suite er ein máttmikil skipan til tey, ið stýra Facebook og Instagram síðum hjá fyritøkum og stovnum. Við skipanini kanst tú stýra tykkara síðum, og tú hevur m.a. møguleika at leggja tilfar út á síðurnar, og at fáa yvirlit yvir tey, ið fylgja tíni síðu.
Tú kanst tíðaráseta nær uppsløg og Stories skulu verða útgivin, svara boðum á tín Facebook og Instagram vanga á einum stað, gera ein content kalendara, umsita atgongd til tykkara síður v.m. Á skeiðinum fært tú eisini 1-til-1 vegleiðing til teir spurningar, tú situr við.
Manuel James Delgado
Manuel James Delgado er ein Digital Media ráðgevi við stórum áhuga at hjálpa øllum sløgum av feløgum og stovnum við talgildum miðlum. Manuel hevur vitanina og royndirnar at loysa avbjóðingarnar innan talgilda marknaðarførslu hjá fyritøkum og stovnum.
Manuel er serfrøðingur í nethandlum og Social Media Marketing. Alt frá at byggja nethandlar til at gera kundar varugar við nethandilin og fáa netsøluna at vaksa. Eisini hevur hann hegnið at skriva og sniðgeva lýsingar. Manuel hevur eitt gott eyga fyri at skapa lýsingatilfar, ið endurspeglar tína fyritøku, stovn ella visjón.
Manuel kann ikki bara hjálpa tær við talgildu miðlunum, men hann kann eisini geva tær neyðugu amboðini, soleðis at tú kanst arbeiða við hesum á einum hægri støði.
Manuel tosar enskt, men skilur føroyskt.